حکومت نے چار ماہ میں کتنےارب ڈالر قرض لیا، تفصیلات سامنے آگئی

کراچی(این این آئی)وفاقی حکومت نے رواں مالی سال کے ابتدائی 4ماہ (جولائی تا اکتوبر)کے دوران 4 ارب 69 کروڑ ڈالر قرض حاصل کیا جو کہ پاکستانی روپوں میں تقریباََ 8کھرب 35ارب سے زائد رقم بنتی ہے۔اقتصادی امور ڈویژن کی رپورٹ میں بتایا گیا ہے کہ حکومت نے رواں مالی سال 2021-22 کے پہلے 4 ماہ جولائی تا اکتوبرکے دوران 4 ارب 69 کروڑ ڈالر قرض لیا، ان میں کمرشل بینکوں سے 1 ارب 52 کروڑ 97 لاکھ ڈالر کا قرض حاصل کیا گیا، مختلف ممالک اور ملٹی لیٹرل اداروں سے 12 کروڑ 31 لاکھ ڈالر کی گرانٹس ملیں جبکہ جولائی سے نومبر کے دوران چین سے 7 کروڑ 33 لاکھ روپے کا قرض ملا۔رپورٹ کے مطابق جولائی سے نومبر امریکا سے پاکستان کو 2 کروڑ 92 لاکھ ڈالر قرض ملا، ایشیائی ترقیاتی بینک نے پاکستان کو 62 کروڑ 2 لاکھ ڈالر قرض فراہم کیا جبکہ اسلامک ڈویلپمنٹ فنڈز سے پاکستان کو 46 کروڑ 85 لاکھ ڈالر قرضہ ملا۔