سیہون میں بچے کو بچانے کی کوشش میں خاندان کے 7 افراد ڈوب گئے،انتہائی افسوسناک واقعہ

سہیون (این این آئی)سیہون میں پانی میں گرنے والے بچے کو بچانے کی کوشش میں خاندان کے 7 افراد ڈوب گئے جن میں سے 3 کو ریسکیو کرلیا گیا۔پولیس کے مطابق سیہون کے قریب انڈس ہائی وے روڈ انژپور کے قریب ایک بچہ پانی میں گرگیا تھا جس کو بچانے کیلئے فیملی کے دیگر افراد بھی پانی میں کود گئے۔پولیس نے بتایا کہ بچے کو بچانے کی کوشش میں 7 افراد ڈوب گئے جن میں سے 3 افرادکو بچالیا گیا،4 کی لاشیں نکال لی گئیں۔پولیس کے مطابق جاں بحق افراد میں ایک خاتوں اور تین بچے شامل ہیں۔