اگر ایون فیلڈ اپارٹمنٹس ان کے نہیں تو کس کے ہیں؟ فواد چوہدری کی شدید تنقید

اسلام آباد (این این آئی)پاکستان تحریک انصاف کے رہنما فواد چوہدری نے کہا ہے کہ مریم نواز نے یہ نہیں بتایا کہ اگر ایون فیلڈ اپارٹمنٹس ان کے نہیں ہیں تو کس کے ہیں؟مائیکرو بلاگنگ ویب سائٹ ٹوئٹر پر اپنے پیغام میں فواد چوہدری نے پاکستان مسلم لیگ (ن)کی نائب صدر مریم نواز کو ہدف تنقید بنایا اور کہاکہ مریم نواز نے طویل پریس کانفرنس میں یہ نہیں بتایا کہ ایون فیلڈ اپارٹمنٹس، لندن میں حسن نواز کی اربوں روپے کی ملکیت کی جائیدادیں اگر ان کی نہیں ہیں تو کس کی ہیں؟رہنما تحریک انصاف نے کہا کہ عدالتی فیصلے کی طرح مریم نواز بھی اس مرکزی نکتے پر خاموش ہیں۔