پی ٹی آئی امیدواروں نے ہمارے جعلی ٹکٹ جمع کرائے ، چیئر مین تحریک انصاف نظریاتی

اسلام آباد(نیوزڈیسک)تحریک انصاف نظریاتی کے چیئر مین اختر اقبال ڈار نے الزام عائد کیا ہے کہ تحریک انصاف نے ہمارے جعلی ٹکٹس جمع کرائے ہیں ۔ مجھے نہیں پتہ پی ٹی آئی امیدواروں نے ہمارے ٹکٹس کہاں سے لئے ؟
تفصیلات کےمطابق پریس کانفرنس کرتے ہوئے تحریک انصاف نظریاتی کے چیئر مین اختر اقبال ڈار نے کہا کہ تحریک انصاف نظریاتی کے امیدواروں کو ٹکٹ میں نے خود جاری کئے ،مجھے نہیں پتہ پی ٹی آئی امیدواروں نے ہمارے ٹکٹس کہاں سے لئے ؟ ہم آراوز کو تحریک انصاف نظریاتی کے امیدواروں کی فہرست دیں گے ۔
انہوں نے کہا کہ پی ٹی آئی (ن) کی ٹکٹیں میں نے پی ٹی آئی کے امیدواران کو ایشو نہیں کیے۔ ہم آر اوز کو اپنے امیدواران کی لسٹیں جاری کیں۔ پی ٹی آئی نے ٹکٹیں جعلی بنوائی ہیں۔