نو مئی کے کیسز کی سماعت کرنے والی جج عبہر گل سمیت 6 ججز کے تبادلے کر دیے گئے
نومئی کے کیسز کی سماعت کرنے والی انسداد دہشت گری عدالت لاہور کی جج عبہر گل خان سمیت 6 سیشن ججز کے تقرر و تبادلے کر دیے گئے۔
لاہور کی انسداد دہشتگری کی خصوصی عدالت کی جج عبہر گل کا بینکنگ کورٹ تبادلہ کردیا گیا ہے، اور اس حوالے سے لاہورہائیکورٹ نے نوٹیفکیشن بھی جاری کر دیا ہے۔
یہ بھی پڑھیے
نوٹیفکیشن کے مطابق ڈسٹرکٹ اینڈ سیشن جج محمد نوید اقبال کو لاہور کی انسداد دہشتگری کی خصوصی عدالت کا جج تعینات کردیا گیا ہے۔
ڈسٹرکٹ اینڈ سیشن جج اعجازاحمد بٹر کو سرگودھا میں اے ٹی سی، اور ڈسٹرکٹ اینڈ سیشن جج محمد صفدر علی بھٹی کو اینٹی کرپشن لاہور کی خصوصی عدالت میں تعینات کردیا گیا۔ جب کہ ڈسٹرکٹ اینڈ سیشن جج ارشد محمود کو پنجاب لیبر کورٹ ساہیوال تعینات کردیا گیا۔