کرنسی تاریخ کی کم ترین سطح پر ،ایک ڈالر لاکھوں ایرانی ریال تک جاپہنچا
تہران(این این آئی)ایران کی کرنسی تاریخ کی کم ترین سطح پر آگئی، ایک ڈالر لاکھوں ایرانی ریال تک جاپہنچا۔غیرملکی خبررساں ادرے کے مطابق ایران میں مظاہروں اور یورپی یونین کی جانب سے مزید پابندیوں کے خدشے نے ایرانی معیشت کو شدید دھچکا پہنچایا ہے۔ڈالر کے مقابلے میں ایران کی کرنسی تاریخ کی کم ترین سطح پر آگئی ہے۔ اوپن مارکیٹ میں ایک امریکی ڈالر چار لاکھ ستاون ہزار ریال تک پہنچ گیا۔گزشتہ برس شروع ہونے والے مظاہروں کے دوران ایرانی ریال کی قدر میں انتیس فیصد تک کمی واقع ہوئی ہے۔