عوام وزیراعظم شہباز شریف سے یہ سوال کرسکتے ہیں کہ مفتاح کو کیوں نکالا؟ مفتاح اسماعیل کا شکوہ

اسلام آباد (این این آئی)سابق وزیر خزانہ اور مسلم لیگ (ن )کے رہنما مفتاح اسماعیل نے ایک بار پھر شکوہ کیا ہے کہ عوام وزیراعظم شہباز شریف سے یہ سوال کرسکتے ہیں کہ مفتاح کو کیوں نکالا؟۔ ایک انٹرویومیں مفتاح اسماعیل نے کہا کہ کیا اسحاق ڈار کی کارکردگی مفتاح اسماعیل سے بہتر ہے؟ سابق وزیر خزانہ نے کہا کہ ستمبر تک ملک کے حالات بہتر تھے اور ڈیفالٹ کا خطرہ نہیں تھا، اگر اْس وقت ہی اہم فیصلے کر لیے جاتے تو بہتر تھا۔انہوں نے پروگرام میں کہا کہ ایکسپورٹ بڑھانے اور امپورٹ کم کرنے کے علاوہ معیشت کی بحالی کا کوئی طریقہ نہیں ، معیشت کی بحالی کے لیے صنعتی و زرعی پیداوار کو بڑھانا ہوگا۔