ہم اپنے اعصاب پر قابو نہیں رکھ پائے، پاکستان سے شکست کے بعد افغانستان کے کپتان کی گفتگو

شارجہ (این این آئی)افغانستان کرکٹ ٹیم کے کپتان محمد نبی نے کہا ہے کہ پاکستان کے خلاف میچ میں آخری اوور میں یارکر اور سلو بانسر کرنے کا پلان تھا۔میچ کے بعد گفتگو کرتے ہوئے محمد نبی نے کہا کہ کھلاڑیوں نے بیٹنگ اور بولنگ سب میں اچھی کارکردگی دکھائی، کسی بھی مرحلے میں ہم نے ہمت نہیں ہاری۔محمد نبی نے کہا کہ کراڈ کا سپورٹ کرنے پر شکریہ ادا کرتا ہوں۔ پاکستان سے شکست کے بعد ان کا کہنا تھاکہ آج پھر ہم اپنے اعصاب پر قابو نہیں رکھ پائے، یاد رہے کہ ایشیا کپ 2022 میں سپر فور مرحلے میں پاکستان نے افغانستان کو سنسنی خیز مقابلے کے بعد شکست دے کر بھارت کو بھی فائنل کی دوڑ سے باہر کردیا۔