پی ٹی آئی کا ممکنہ لانگ مارچ، سندھ پولیس اور ایف سی کی نفری اسلام آباد پہنچ گئی

اسلام آباد (این این آئی)پاکستان تحریک انصاف کے ممکنہ لانگ مارچ کے حوالے سے سندھ پولیس اور ایف سی کی نفری اسلام آباد پہنچ گئی۔ذرائع کے مطابق سندھ پولیس کے اب تک 6000 کے قریب اہلکار اسلام آباد پہنچ چکے ہیں جبکہ ایف سی کے 90 پلاٹون اور 2667 اہلکار اپنی گاڑیوں پر اسلام آباد پہنچے ۔ذرائع نے بتایا کہ ایف سی اہلکار فیصل مسجد کے صحن میں ایف سی کانسٹیبلری میں ٹھہرے ہوئے ہیں اور کچھ نفری کو حاجی کیمپ میں بھی ٹھہرایا گیا ہے۔