گورنر سندھ عمران اسماعیل کا بھی مستعفی ہونےکا فیصلہ

اسلام آباد(نیوز ڈیسک) گورنر خیبرپختونخوا شاہ فرمان کے بعد گورنر سندھ عمران اسماعیل کا بھی مستعفی ہونےکا فیصلہ، گورنر سندھ کراچی واپسی پر اپنا استعفیٰ بھجوائیں گے۔ تفصیلات کے مطابق گورنر خیبرپختونخوا شاہ فرمان کے بعد گورنر سندھ عمران اسماعیل نے بھی مستعفی ہونے کا فیصلہ کیا ہے۔ذرائع کے مطابق گورنر سندھ اس وقت اسلام آباد میں موجود ہیں جہاں وہ پی ٹی آئی کے اجلاس میں شریک ہونےگئے تھے۔

ذرائع کا کہنا ہےکہ گورنر سندھ کراچی واپسی پر اپنا استعفیٰ بھجوائیں گے، گورنر سندھ کے اہل خانہ فی الحال گورنر ہاؤس میں ہی مقیم ہیں۔خیال رہے کہ خیبرپختونخوا کےگورنر شاہ فرمان مستعفی ہونے کا اعلان کرچکے ہیں۔ذرائع کے مطابق گورنر خیبرپختونخواہ شاہ فرمان کا کہنا ہے کہ شہباز شریف کے وزیراعظم بنتے ہی گورنر کا عہدہ چھوڑدوں گا، شہباز شریف کو وزیراعظم کا پروٹوکول نہیں دے سکتا۔