اسرائیل نے واشنگٹن سے 25 ایف 15 ایکس طیارے خریدنے کی باضابطہ درخواست دیدی
تل ابیب(این این آئی ) اسرائیلی وزارت دفاع نے امریکہ کو ایک سرکاری خط بھیجا اور اس میں اس نے 25 جدید ایف 15 ایکس لڑاکا طیارے خریدنے کی درخواست کردی تھی۔میڈیارپورٹس کے مطابق باخبر ذرائع کے حوالے سے بتایا کہ وزارت دفاع نے پہلے ابتدائی مرحلے میں
گزشتہ ہفتے امریکہ کو ایک باضابطہ درخواست بھیجی تھی جس میں دونوں ملکوں کے درمیان مذاکرات بوئنگ کے تیار کردہ طیاروں کی صحیح تعداد اور اس کی قیمت سے متعلق معاملات کا جائزہ لیا جائے گا۔ذرائع نے بتایا کہ اسرائیل کو سب سے پہلے نئے طیارے 2028 میں ملیں گے، تاہم وہ اس سلسلہ میں تیزی سے طیاروں کی سپردی کے لیے دبا ڈالے گا۔ تل ابیب 25 طیاروں کے ابتدائی آرڈر کو دوگنا کرنے کی درخواست بھی کر سکتا ہے۔رپورٹ کے مطابق اسرائیل کا فیصلہ ایران اور روس کے درمیان بڑھتے ہوئے دفاعی تعلقات اور ماسکو کی جانب سے ایران کو جدید ایس 400 طیارہ شکن دفاعی نظام کی فراہمی سے متعلق خدشات کی وجہ سے زیادہ فوری نوعیت کا ہو گیا ہے۔کمپنی بوئنگ نے وضاحت کی کہ ایف 15 ایکس اپنی کلاس کا ایسا طیارہ ہے جو دوسرے لڑاکا طیاروں سے زیادہ ہتھیار رکھتا ہے۔ یہ 22 فٹ لمبا اور 7 ہزار پانڈ تک وزنی ہائپرسونک ہتھیار چلانے کی صلاحیت رکھتا ہے۔ اخبار کے مطابق اسرائیل نے بوئنگ کے اہم حریف لاک ہیڈ مارٹن سے ایف 16 ہنڈرڈ اور ایف 35 ففٹی طیارے خریدے تھے۔